Huis Walters Kenmerke
Vandag huisves Huis Walters HSH-seuns vanoor die hele Weskus en selfs verder weg, vir Graad 7-12. Dit is 'n veilige, gedissiplineerde en gestruktureerde omgewing
vir seuns en daar heers 'n gemoedelike gees wat ruimte laat vir speeltyd en die uitdrukking van individualiteit.
Hierdie soliede ou gebou bied 'n uitsig oor Hopefield se fynbos en windplaas, wat 'n plaasgevoel skep. Die koshuistuine is mooi en die geriewe is ruim.
Die koshuis is twee blokke vanaf die skool en swembad geleë; en binne stapafstand vanaf die sportgronde.
Die kombuis is silwerskoon en goed toegerus. Kundige kokke weet hoe om aan groeiende seuns se eetlus te voldoen met goed gebalanseerde maaltye.
HSH se etos word uitgebeeld deur die onderwysers wat self in die koshuis bly.
Ouers sal nêrens 'n meer bekostigbare en gerieflike koshuisbasis vir hul seuns vind nie. Dis 'n veilige hawe weg van die huis af.
Waar Seuns Mans Word
Leierskapsontwikkeling word beklemtoon in Huis Walters.
Seuns vorm sterk vriendskapsbande en leer verdraagsaamheid, samewerking en sportmangees.
Die sukses van hierdie pogings toon in die aantal koshuisseuns wat vir die Leerlingraad verkies word.
Huis Walters lê ook groot klem op akademiese prestasie en seuns moet hul plek vol te staan.
Laerskool leerders kry spesiale aandag.
Die skool- en koshuisprogramme is gesinchroniseer sodat maksimum deelname aan sport,
kultuuraktiwiteite en sosiale aktiwiteite kan plaasvind.
Ouers sal sukkel om self hul kinders te vervoer en te voed teen dié billike koshuistariewe!
Dit is in leerders se belang om die 60-100 minute per dag wat op vervoer spandeer sou word, eerder op sport of studies te fokus!
/
